काठमाडौं । कालिकोटको सदरमुकामा मान्मको अल्लो भाँगो प्रशोधन केन्द्रको भवन निर्माणमा भ्रष्टाचार भएको ठहर भएको छ ।

आर्थिक वर्ष ०७०/७१ मा केन्द्रको भवन निर्माणमा झुटा बिल बनाएर बढी भुक्तानी लिएको भन्दै खख्तियार दुरुपयोग अनुसन्धान आयोगले दायर गरेको मुद्दामा विशेष अदालतले दोषी ठहर गरेको हो ।

विशेष अदालतका न्यायाधीशहरू अध्यक्ष टेकनारायण कुँवर तथा सदस्यहरू तेजनारायणसिंह राई र मुरारीबाुब श्रेष्ठको इजलासले आइतबार सचिव नरेन्द्रप्रसाद पाण्डेलाई दोषी ठहर गरेको हो ।

अख्तियारले उपभोक्ता समितिका अध्यक्ष नन्दप्रसाद पाण्डे, सचिव नरेन्द्रप्रसाद पाण्डे र कोषाध्यक्ष विनिता राना (पाण्डे)विरुद्ध दुई लाख ५१ हजार ५२९ रुपैयाँ बिगो कायम गरी मुद्दा दायर गरेका थियो । तर, अदालतले सचिव पाण्डेलाई मात्र दोषी ठहर गरेर तीन महिना कैद र बिगो असुल हुने फैसला गरेको हो ।