काठमाडौं । धादिङ र कपिलवस्तुमा एकनाले भरुवा बन्दुक बरामद गरिएको छ ।  

धादिङको गजुरी गाउँपालिका–४, अर्चले बस्ने ५६ वर्षीय धनबहादुर प्रजालाई भरुवा बन्दुकसहित पक्राउ गरिएको छ । उनको साथबाट दुई थान बन्दुक बरामद गरी बुधबार राति पक्राउ गरिएको हो ।  

प्रजाको घरमा भरूवा बन्दुक रहेको भन्ने सूचनाको आधारमा इलाका प्रहरी कार्यालय गजुरीबाट खटिएको प्रहरीले उनको घर तलासी गर्ने क्रममा लोड अवस्थामा रहेको उक्त बन्दुक फेला पारेको हो । 

त्यस्तै, कपिलवस्तुको वाणगंगा नगरपालिका–७, धैरेनिडाँडास्थित बाँसको झाडी नजिकैबाट लोड अवस्थामा रहेको एक नाल भरुवा बन्दुक बरामद गरिएको छ ।

बुधबार साँझ इलाका प्रहरी कार्यालय पिपराबाट खटिएको प्रहरीले गस्ती गर्ने क्रममा बेवारिसे अवस्थामा रहेको उक्त बन्दुक फेला पारी बरामद गरिएको जनाइएको छ ।