काठमाडौं । काठमाडौंको चन्द्रागिरि नगरपालिका–३, थानकोटस्थित खाजाघरमा तास खेलिरहेका सातजनालाई प्रहरीले पक्राउ गरेको छ । आइतबार साँझ उनीहरूलाई नियन्त्रणमा लिइएको प्रहरीले जनाएको छ ।

पक्राउ पर्नेमा मकवानपुरको थाहा नगरपालिका–९, चित्लाङका ३० वर्षीय रामकृष्ण थोकरसहित सातजना छन् । महाशक्ति पेट्रोल पम्पनजिक मीना मगरको खाजाघरमा जुवातास खेलिरहेको अवस्थामा उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

प्रहरीका अनुसार, नगद नौ हजार ९७० रुपैयाँ र एक बुक ताससहित उनीहरूलाई पक्राउ गरिएको थियो ।