काठमाडे । बीवाईडी नेपालका लागि आधिकारिक वितरक साइमेक्स इङ्ककले देशका मुख्य मुख्य स्थानमा ११ डीसी फास्ट चार्जर जडान गरेको छ ।

नयाँ जडित डीसी फास्ट चार्जर देशका मुख्य सहरहरू पोखरा, नेपालगन्ज, बुटवल, विराटनगर, जनकपुर, नारायणघाट, अनामनगर, मुलकोट, बिर्तामोड, नक्साल र गुह्येश्वरीमा जडान गरिएको कम्पनीले जनाएको छ ।

यी चार्जरमध्ये १० ओटा चार्जरले ३० किलोवाटको पावर आउटपुट दिने र मूलकोटमा जडित चार्जर भने ६० किलोवाटको फास्ट चार्जर भएको कम्पनीले जनाएको छ ।

साइमेक्सले यसअघि नै ४० किलोवाटका १४ फास्ट चार्जर जडान गरिसकेको र सोही नेटवर्कलाई थप विस्तार गरिएको जनाएको छ ।

कम्पनीले सन् डिसेम्बर २०२३ को अन्त्यसम्ममा थप १८ डीसी फास्ट चार्जर जडान गर्ने बताएको छ ।