काठमाडौं । मोरङ व्यापार संघको आयोजनामा पुस ५ गते देखि १६ गतेसम्म विराटनगरमा मोरङ व्यापार संघ एक्स्पो २०२३ आयोजना हुने भएको छ । सोमबार विराटनगरमा पत्रकार सम्मेलन गर्दै संघले अन्तराष्ट्र्रिय कृषि, पर्यटन तथा औद्योगिक प्रदर्शनीका बारेमा जानकारी गराएको हो ।

पत्रकार सम्मेलनमा मोरङ व्यापार संघका अध्यक्ष नवीन रिजालले प्रदर्शनीले केही मात्रामा भए पनि बजार चलायमान हुने बताए । अध्यक्ष रिजालले औद्योगिक क्षेत्रमा भइरहेको नवीनतम् प्रविधिको प्रयोगबारे जानकारी गराउन, कृषि क्षेत्रको व्यावसायीकरण गर्न तथा उत्पादक र उपभोक्ताबीचको सम्बन्ध विस्तार गर्ने उद्देश्यले एक्स्पो आयोजना गर्न लागिएको जानकारी दिए ।

प्रदर्शनी करिब चार लाख दर्शकले अवलोकन गर्ने र करिब १५ करोड रुपैयाँ बराबरको कारोबार हुने अध्यक्ष नवीन रिजालले बताए ।

१० दिनसम्म आयोजना हुने प्रदर्शनीमा कृषि, पशुपालन, अटोमोबाइल्स, विज्ञान प्रविधि, औद्योगिक उत्पादनलगायतका २५० वटा स्टल राखिने पत्रकार सम्मेलनमा जानकारी दिइएको छ  ।