शिरिष भाट

छिपाएर असीम पीडा हाँस्छ्यौ किन सधैँ तिमी 
दिलमा पिर लिई किन हाँस्छ्यौ किन सधैँ तिमी
    
बन्यो जीवन जहरिलो एकोहोरो त्यो प्रीतले 
विषालु त्यो छाप बोकी बाँच्छ्यौ किन सधैँ तिमी

टाढिएर ऊ गइसकेको थाहा तिमीलाई भए पनि 
निभेको त्यो दीपको आँच जाँच्छ्यौ किन सधैँ तिमी

सुकेका ती घाउका पाप्रा उक्काउनुको अर्थ के
दिलासा झुटा सुनाई मनलाई ढाँट्छ्यौ किन सधैँ तिमी

ओखती पनि धेरै खाए हलाहल हुन्छ भन्छन् यहाँ
टुक्रा काँचमा खाली खुट्टा नाच्छ्यौ किन सधैँ तिमी

(अमेरिका)