काठमाडौं । गत असारमा बेपत्ता भएको एक पनडुब्बीको भग्नावशेष र अनुमानित मानवीय अवशेष फेला परेको अमेरिकी तटीय सैन्य बल (कोस्ट गार्ड)ले बताएको छ ।

गत जुनमा पाँचजना यात्रु बाकेको टाइटन पनडुब्बीले टाइटानिक जहाजको भग्नावशेष रहे नजिकैबाट डुबुल्की हानेको थियो ।

त्यसको केही घण्टापछि बेपत्ता भएको टाइटन पनडुब्बी विस्फोट भएको र पाँचैजनाको मृत्यु भएको बताइएको थियो ।

'टाइटानिक'नजिक बेपत्ता भएको पनडुब्बी विस्फोटको आशंका, पाँचैजनाको मृत्यु

अर्बपति व्यापारीसहितका पाँचजना सवार पनडुब्बी खोज्न अन्तर्राष्ट्रियन अभियान नै चलेको थियो । केही दिनपछि मात्रै पनडुब्बीको पहिलो भग्नावशेष फेला परेको थियो ।

तटरक्षक अधिकारीले मंगलबार पनडुब्बीका थप टुक्राहरू गत हप्ता फेला पारेको र अमेरिकी बन्दरगाहमा लगिएको बताएका छन् । चिकित्सा अधिकारीले मानव अवशेषको विश्लेषण गर्ने बताइएको छ ।