काठमाडौं । अख्तियार दुरुपयोग अनुसन्धान आयोगले स्याङ्जाको चापाकोट नगरकार्यपालिकाका सिनियर अहेव विन्दु कोइरालाविरुद्ध भ्रष्टाचार मुद्दा दायर गरेको छ । 

उनले ९० लाख ३९ हजार ६२० रुपैयाँ गैरकानुनी आर्जन गरेको आरोप लगाउँदै अख्तियारले शुक्रबार विशेष अदालत काठमाडौंमा मुद्दा दायर गरेको हो । 

दायर गरिएको मुद्दामा उनीसँग अख्तियारले ९० लाख ३९ हजार ६२० रुपैयाँ बिगो दाबी गरेको छ । अख्तियारका अनुसार २०५४ कात्तिक ५ गतेदेखि २०७८ मंसिर २१ गतेसम्मको अवधिमा कोइरालाले वैधानिक रूपमा २ करोड ९७ लाख ८१ हजार ८०२ रुपैयाँ आर्जन गरेको थिए ।
 
सोही अवधिमा कोइरालाले ३ करोड ८८ लाख २१ हजार ४२२ रुपैयाँ खर्च तथा लगानी गरेको अनुसन्धानका क्रममा पाइएको अख्तियारद्वारा शुक्रबार जारी विज्ञप्तिमा जनाइएको छ ।