site stats
बाह्रखरी :: Baahrakhari
खेल
Global Ime bankGlobal Ime bank
नेपालको १०० रन पूरा

काठमाडौं । एसिया कप–२०२३ मा भारतविरुद्ध ब्याटिङ गरिरहेको नेपालले १०० रन पूरा गरेको छ । 

श्रीलंकाको क्यान्डीस्थित पालेकेले रंगशालामा जारी खेलमा टस हारेपछि ब्याटिङमा आएको नेपालले २१.३ ओभरमा तीन विकेट गुमाएर १०० रन पूरा गरेको हो ।

नेपालबाट क्रिजमा रहेका ओपनर आसिफ शेख ४४ रनमा र कुशल मल्ल दुई रनमा खेलिरहेका छन् ।

भारतविरुद्ध नेपालले ९.५ ओभरमा अर्का ओपनर कुशल भुर्तेललाई पहिलो विकेटको रूपमा गुमाएको थियो । कुशलले पहिलो विकेटका लागि आसिफ शेखसँग ६५ रनको साझेदारी गरेका थिए । कुशलले २५ बलमा तीन चौका र दुई छक्कासहित ३८ रन बनाए । त्यसपछि १५.६ ओभरमा भीम सार्कीलाई सात रनमा र १९.६ ओभरमा कप्तान रोहितकुमार पौडेलललाई पाँच रनमा गुमाएको थियो । 

एसिया कपमा यसै संस्करणबाट ‘डेब्यू’ गरेको नेपाली टिमले सन् १९८३ र २०११ को विश्वकप विजेतासमेत रहेको भारतविरुद्ध पहिलोपटक एकदिवसीय अन्तर्राष्ट्रिय मान्यताप्राप्त क्रिकेटमा प्रतिस्पर्धाका लागि उत्रिएको हो ।

आजको खेल जिते नेपाली क्रिकेटले नयाँ इतिहास रच्दै एसिया कपको ‘सुपर फोर’मा स्थान बनाउने छ । सुपर फोरमा प्रवेशका लागि भारतमाथि आज जित्नैपर्ने दबाब छ ।

प्रतियोगितामा दुवै टिमको यो दोस्रो खेल हो । पहिलो खेलमा नेपाल पाकिस्तानसँग २३८ रनले पराजित भएको थियो । भारत–पाकिस्तानबीचको पहिलो खेल भने वर्षाका कारण रद्द भएको थियो ।

प्रकाशित मिति: सोमबार, भदौ १८, २०८०  १६:४८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro