काठमाडौं । बुद्ध एयरका वित्तीय अधिकृत रमेश लुइटेलविरुद्ध उजुरी परेको छ । लुइटेलविरुद्ध बुद्ध एयरका ४० प्रतिशत सेयरधनीको अख्तियारी लिएर शिवेन्द्रबहादुर बस्नेतले सम्पत्ति शुद्धीकरण अनुसन्धान विभागमा उजुरी दिएका हुन् ।

गैरकानुनी स्रोतबाट (बुद्ध एयरको कर छलेर, सेयरधनीको डिभिडेन्ड ‘लाभांश’ हिनामिना गरेर) अकुत सम्पत्ति कमाएको भन्दै उजुरी दिएका हुन् । शिवेन्द्रले दिएको उजुरीमा मनी लाउन्डरिङ ऐनको दफा ३० बमोजिम हदैसम्मको सजाय माग गरेका छन् ।

यस्तै, गैरकानुनी स्रोतबाट आर्जन गरेको सम्पत्ति रोक्का गर्नुपर्ने, जफत गर्नुपर्ने माग राखेर शिवेन्द्रले उजुरी दिएका हुन् ।

शिवेन्द्रले लाभांश हिनामिना गरेको र आर्थिक हिसाबकिताब नदिएको भन्दै लुइटेलसहित पाँचविरुद्ध उच्च अदालत पाटनमा मुद्दा दर्ता गरिसकेका छन् ।

• बुद्ध एयरमा दाजुभाइको ‘लडाइँ’– सम्पत्ति कि प्रतिष्ठा ?