रविन्द्रराज थापा ‘सन्तोष’

आहा ! सुन्दर, स्वर्ग स्वाधीन देश 
महागौरव नेपाली सेना विशेष 
ऋषिमुनि, सन्तको पावन भूमि
कोटीकोटी प्रणाम हे जन्मभूमि । 

शीतलहर खडेरी त टिक्दैन धेरै
फोहोरी सत्ता टिक्ला कति बेरै !
निष्पट्ट अँध्यारो त हराउँछ बिहानीमा
असत्य झुटो बिलाउँछ है समयमा ।

गुमेको देशको सान फेरि पक्कै आउला 
मेचीकोसी सबैतिर खुसियाली छाउला 
आउनेछ पक्कै श्रम–पसिनाको दिन 
भगवान्को कृपाले देश बन्नेछ एक दिन ।

(हरिवन, सर्लाही/हाल : काठमाडौं)