काठमाडौं । गायक प्रकाश सपूतले रोमानिया घटनाले आफूलाई गहिरो चोट पुर्‍याएको बताएका छन् । रोमानियामा भएको एक सांगीतिक कार्यक्रममा प्रकाश सपूतकाशमाथि स्टेजमै बियरको बोतल प्रहार भएको थियो ।  

घट्नासँग अरु कुनै खराब नियत र उद्देश्य नजोडिए पनि सार्वजनिक रूपमा भएको घट्नाले आफूलाई मानसिक रूपमा विक्षिप्त बनाएको उनले बताएका छन् । 

यसरी प्रहार भयो प्रकाश सपूतमाथि बियरको बोतल

“यस्तो घट्ना घटाउने र माफीमा मिलाउने गलत नजिर नबसोस् । प्रेम, सम्मान, सुरक्षा, संस्कार , हार्दिकता,  मानवता हामी सबैमा हुन जरुरी छ,” सामाजिक सञ्जाल फेसबुकमा लेख्छन् । 

आयोजकले बोतल प्रहार गर्ने व्यक्तिलाई कारबाहीका लागि अदालत लैजाने तयारी गरे पनि प्रकाशले माफी दिएका थिए ।

बोतल हान्ने सुमनलाई प्रकाशले दिए माफी, आयोजकले लियो मुद्दा फिर्ता

याद नेपाली म्युजिक फेष्टिभलमा स्टेजमा गीत गाइरहेका बेला दर्शकदीर्घामा रहेका व्यक्तिले हानेको बियरको बोतलले प्रकाशको गालामा लागेको थियो ।

करिब चारसय दर्शक सहभागी उक्त घटनापछि केही समय अबरुद्ध भएको कार्यक्रम केही समयमा सुरु भएको थियो । बोतलले लागे पनि उनलाई त्यस्तो ठूलो चोट भने लागेको थिएन । त्यसैले केही समयमै उनले पुनः गीत गाएका थिए ।