काठमाडौं । साहित्यकार हिरण्यकुमारी पाठकको कथाकृति ‘विसंगत स्वरहरू’ तथा नियात्राकार सुशीला देउजाको बाल– नियात्राकृतिहरू ‘सम्पदा दर्शन’ र ‘अमेरिका दर्शन’ एक समारोहकाबीच सार्वजनिक गरिएको छ ।

शुक्रबार काठमाडौंमा आयोजित कार्यक्रममा साहित्यकार गणेश रसिकले उक्त तीनै कृति लोकार्पण गरे ।

भूगोल साहित्य समाजद्वारा आयोजित कार्यक्रममा पाठकका कथाकृतिमाथि प्रमोद प्रधान र मञ्जिला अनिलले समीक्षात्मक टिप्पणी गरे । त्यस्तै देउजाको नियात्राकृतिहरूमाथि नियात्राकार भीष्म उप्रेतीले समीक्षात्मक मन्तव्य राखे ।

कार्यक्रममा गणेश रसिक, रोचक घिमिरे, हिरण्यकुमारी पाठक, सुशीला देउजा, विनोद नेपाल, दिनेशविक्रम थापालगायतले बोलेका थिए ।