विराटनगर । कोसी प्रदेशका विभिन्न जिल्लामा गएको बाढी पहिरो निरीक्षण गर्न उडेको को प्रधानमन्त्री पुष्पकमल दाहाल 'प्रचण्ड' सवार हेलिकप्टर विराटनगर विमानस्थलमा अवतरण भएको छ ।

मौसमको प्रतिकूलताका कारण प्रधानमन्त्री सवार हेलिकप्टर मौसम खराबीका कारण ताप्लेजुङ अवतरण गर्न नसकेपछि विराटनगरमा अवतरण गरिएको हो ।

प्रधानमन्त्रीका प्रेस संयोजक सूर्य किरण शर्माले बाढी पहिरो पीडित निरीक्षण गर्न अब ताप्लेजुङ र पाँचथर पुनः जाने/नजानेबारे तय नभएको जानकारी दिए ।

यसअघि प्रधानमन्त्रीको टोलीले संखुवासभाको बाढी पहिरो प्रभावित क्षेत्रको अवलोकन गरेको थियो ।