site stats
बाह्रखरी :: Baahrakhari
खेल
Global Ime bankGlobal Ime bank
क्रोएसियालाई पेनाल्टीमा हराउँदै स्पेनले जित्यो नेसन्स लिगको उपाधि

काठमाडौं । नेसन्स लिगको फाइनलमा स्पेनसँग पेनाल्टी सुटआउटमा ५–४ ले पराजित भएपछि क्रोएसियाले पहिलो अन्तर्राष्ट्रिय उपाधि जित्ने मौका गुमाएको छ ।

पेनाल्टी प्रहारका लागि छैटौँ नम्बरमा आएका ड्यानी कार्भाहलले कुनै गल्ती नगरेपछि स्पेनले नेसन्स लिगको उपाधि उचालेको हो । कार्भाहल पेनाल्टीका लागि आउनुअघि स्पेनका गोलकिपर युनाइ सिमोनले क्रोएसियाका ब्रुनो पेट्कोभिचको पेनाल्टी प्रहार बचाएका थिए ।

पेनाल्टीमा स्पेनका जोसेलु, राद्री, माइकल मेरिनो, मार्को असेन्सियो र ड्यानी कार्भाहलले गोल गरे । स्पेनका आइमेरिक लापोर्टाले भने पेनाल्टी चुकाएका थिए ।

क्रोएसियाका निकोला भ्लासिच, मार्सेलो ब्रोजोभिच, लुका मोड्रिच र इभान पेरिसिचले पेनाल्टीमा गोल गरे । लोभ्रो मजेर र ब्रुनो पेट्कोभिचले गोल गर्न सकेनन् ।

त्यसअघि, खेलको निर्धारित र अतिरिक्त समय गोलरहित बराबरीमा सकिएको थियो । स्पेनले ११ वर्षपछि अन्तर्राष्ट्रिय उपाधि जितेको हो । स्पेनले पछिल्लोपटक सन् २०१२ मा युरोपियन च्याम्पियनसिपको उपाधि जितेको थियो ।

२०१८ को विश्वकपमा फाइनल र २०२२ मा सेमिफाइनल यात्रा तय गरेको क्रोएसियाले भने पहिलोपटक अन्तर्राष्ट्रिय उपाधि जित्ने अर्को मौका गुमायो ।

स्पेनसँगको हारपछि क्रोएसियाका कप्तान मोड्रिचको अन्तर्राष्ट्रिय करियरप्रति अन्योल देखिएको छ । यो हारले ३७ वर्षीय बालन डी’अर विजेता मोड्रिच आउँदो वर्ष जर्मनीमा हुने युरोपियन च्याम्पियनसिपमा उपलब्ध हुनेबारे अन्योल सिर्जना गरेको हो ।

प्रकाशित मिति: सोमबार, असार ४, २०८०  ०९:४६
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro