काठमाडौं । आईसीसी एकदिवसीय क्रिकेट विश्वकपका लागि भएको ‘वार्म अप’ खेलमा युनाइटेड अरब इमिरेट्स (यूएई)ले नेपाललाई तीन विकेटले हराएको छ ।

मंगलबार जिम्बाब्वेको राजधानी हरारेस्थित ओल्ड हरारियन्समा नेपालले प्रस्तुत गरेको २७७ रनको लक्ष्य यूएईले ४९.५ ओभरमा सात विकेट गुमाएर पूरा गर्यो ।

त्यसअघि, टस जितेर ब्याटिङका लागि आएको नेपालले ४९.५ ओभरमा सबै विकेट गुमाएर २७६ रनको योगफल खडा गरेको थियो । नेपालले अब दोस्रो ‘वार्म अप’ खेल बिहीबार ओमानसँग खेल्नेछ ।