काठमाडौं । अर्थमन्त्री डा. प्रकाशशरण महतले सेयर बजारमा बढी कमाउनेलाई करको दायरामा ल्याउँदा बजारमा गलत भाष्य प्रवाह भएको बताएका छन् ।

नेपाल आर्थिक पत्रकार समाज (सेजन)ले आयोजना गरेको ‘पोष्ट–बजेट डिस्कसन’ बढी कमाउनेले कर नतिर्ने चलखेल गरेको बताए ।

“सेयर बजारलाई नै पेसा बनाएर नाफा कमाएपछि कर तिर्नुपर्छ । बजारमा यस्तो ग्रुपले रूवाबासी चलाएको छ,” उनले भने, “हामीले कुनै स्वार्थ राखेका छैनौँ । यसलाई व्यवसाय बनाएकाले कर तिर्नुपर्छ । अनावस्यक हल्ला फैलाउनु उचित हैन ।”

बजेटले साना लगानीकर्तालाई संरक्षण गरेको पनि बताए । यसलाई नबुझ्दा बजारमा चलखेल गर्नेले अन्योल सृजना गरेको उनको भनाइ छ ।