काठमाडौं । साताको दोस्रो कारोबार दिन नेप्से परिसूचक झिनो अंकले घटेको छ । नेप्से परिसूचक ०.१८ प्रतिशतले घटेर १८१८.३१ विन्दुमा बन्द भएको हो । यो दिन नेप्से परिसूचक घटेसँगै कारोबार रकम पनि घटेको छ । गत कारोबार दिन ९० करोड पाँच लाख रुपैयाँको धितोपत्र खरिद बिक्री भएको थियो ।
आज २६६ धितोपत्रको २३ लाख ४१ हजार २४० कित्ता ७२ करोड ४९ लाख रुपैयाँको खरिद–बिक्री भएको छ । गत कारोबार दिनको तुलनामा कारोबार रकम १७ करोड रुपैयाँले घटेको छ ।
कारोबारमा आएका १३ समूगत परिसूचकमध्ये चार वटा समूहको परिसूचक वृद्धि भएको छ ।
परिसूचक वृद्धि हुनेमा उत्पादन तथा प्रशोधन समूहको ०.५२ प्रतिशत, माइक्रोफाइनान्स समूहको ०.३४ प्रतिशत, विकास बैंक समूहको ०.१ प्रतिशत र फाइनान्स समूहको परिसूचक ०.०७ प्रतिशतले वृद्धि भएको छ । सर्वाधिक परिसूचक घट्नेमा निर्जीवन बीमा समूह रहेको छ । यो समूहको परिसूचक ०.६२ प्रतिशतले घटेको छ ।
आज सगरमाथा लुम्बिनी इन्स्योरेन्सको सेयर मूल्य सर्वाधिक घटेको छ । यो कम्पनीको सेयर मूल्य ६.४५ प्रतिशतले घटेको छ । सर्वाधिक रकमको सेयर खरिद–बिक्री एनआईसी एसिया बैंकको भएको छ । यो बैंकको तीन करोड चार लाख रुपैयाँको सेयर खरिद–बिक्री भएको छ ।
