काठमाडौं । उदयपुरमा १४ वर्षीया बालिकाको बलात्कार आरोपमा एकजना पक्राउ परेका छन् । बेलका नगरपालिका–१, बालुवाटार टोलका ५४ वर्षीय अतिमान विकलाई सोमबार दिउँसो प्रहरीले नियन्त्रणमा लिएको हो ।

विकले ती बालिकालाई धाकधम्की देखाई यही वैशाख १८ गते बिहान बलात्कार गरेको भन्ने उजुरीपछि प्रहरी टोली खटिएको थियो । इलाका प्रहरी कार्यालय रामपुर, ठोक्सिलाबाट खटिएको टोलीले उनलाई पक्राउ गरेको जनाइएको छ ।