काठमाडौं । डीआईजी नवराज सिलवाल नेकपा एमाले प्रवेशको तयारी गरेका छन् ।

आज काठमाडौंमा विशेष कार्यक्रम गरी उनी नेकपा एमालेमा प्रवेश गर्न लागेको स्रोतले जानकारी दियो । नेपाल प्रहरीको महानिरीक्षकको दौडमा रहेका सिलवाललाई कासमु कीर्ते गरेको आरोप लागेको छ ।

आफू प्रहरी महानिरीक्षक हुन पाउनुपर्ने जिकीर गर्दै सर्वोच्चमा दिएको निवेदन पनि आफ्नो पक्षमा फैसला नभएपछि उनले डीआईजीबाट राजीनामा दिएका थिए ।
तर उनको राजीनामा अहिलेसम्म स्वीकृत नभएको प्रहरी स्रोतले जानकारी दिएको छ ।

अहिले बिहान ११ बजेपछि काठमाडौंको एक पार्टी प्यालेसमा हुने कार्यक्रममा उनी एमालेमा प्रवेश गर्न लागेको स्रोतले जानकारी दियो । यसअघि उनले दशैंको टीका पनि एमाले अध्यक्ष केपी शर्मा ओलीको हातबाट लगाएका थिए ।