काठमाडौं । संविधान दिवसको अवसरमा काठमाडौंस्थित दरबारमार्गमा 'नेसनल डे कन्सर्ट' को आयोजना गरिएको छ । जहाँ सयौँको सहभागिता रह्यो ।

कन्सर्टमा देशप्रेम झल्किने खालका प्रस्तुतिहरू राखिएको थियो । सहभागीहरूले हातहातमा नेपालको झन्डा समाएका थिए ।

कन्सर्टको प्रधानमन्त्री केपी शर्मा ओली, अर्थमन्त्री विष्णु पौडेल, गृहमन्त्री रमेश लेखकसहतिले अवलोकन गरेका थिए ।

कन्सर्टको सुरक्षार्थ नेपाल सेना, नेपाल प्रहरी, सशस्त्र प्रहरी तथा ट्राफिक प्रहरी गरी करिब पाँच हजार सुरक्षाकर्मी परिचालन भएको जिल्ला प्रहरी परिसर काठमाडौंका प्रमुख एवं प्रहरी वरिष्ठ उपरीक्षक वसन्त रजौरेले जानकारी दिए ।

कन्सर्टमा नेपाली सेना, नेपाल प्रहरी, सशस्त्र प्रहरीले अर्केस्ट्रा प्रस्तुत गरेका थिए भने सातै प्रदेशको प्रतिनिधित्व झल्किने गरी ३२ जना कलाकारले प्रस्तुति दिएका थिए । 

कार्यक्रममा कुटुम्ब ब्यान्डलगायत कलाकार आनन्द कार्की, कुन्ती मोक्तान, देविका बन्दना, सुगम पोखरेल, दीपक लिम्बू, प्रमोद खरेल, सुवानी मोक्तान, स्वप्न सुमनलगायतले प्रस्तुति दिएका थिए ।

हेर्नुहोस् तस्बिरहरू

तस्बिरहरू : हरिशजंग क्षेत्री/बाह्रखरी