site stats
खेल
अस्ट्रेलियन ओपन : सित्सिपास र खाचानोभ सेमिफाइनलमा 

काठमाडौं । विश्व वरीयताको तेस्रो स्थानका स्टेफानोस सित्सिपास र करेन खाचानोभ मंगलबार वर्षको पहिलो ग्रान्डस्लाम अस्ट्रेलियन ओपनको सेमिफाइनलमा प्रवेश गरेका छन् । 

अस्ट्रेलियाको रोड लभेर एरिनामा भएको खेलमा सित्सिपासले चेक गणतन्त्रका जिरी लेहेक्कालाई ३–० को सोझो सेटमा जित निकाल्दै सेमिफाइनलमा स्थान पक्का गरे ।

NMB Bank
Dabur nepal
Agani Group

ग्रिसका सित्सिपासले लेहेक्कालाई ६–३, ७–६ (७–२), ६–४ को स्कोरमा पराजित गरे । सित्सिपासले अब फाइनल प्रवेशका लागि रुसका खाचानोभविरुद्ध खेल्नेछन् ।

आजै भएको क्वार्टरफाइनलमा अमेरिकाका सेबास्टियन कोर्डाबाट 'वाकओभर' पाएपछि वरीयताको २० औँ स्थानका खाचानोभले सेमिफाइनलमा स्थान पक्का गरे । 

Global bank

खेलको तेस्रो सेट चलिरहँदा चोटिल बनेपछि कोर्डाले खेल नखेल्ने निर्णय लिँदा खाचानोभ सेमिफाइनल प्रवेश गरे । 

त्यसअघि खाचानोभले पहिलो सेटमा ७–६ (७–५) र दोस्रो सेटमा ६–३ को स्कोरमा जित निकालेका थिए । तेस्रो सेटमा पनि कोर्डाबाट 'वाकओभर' पाउनुअघि खाचानोभले ३–० को अग्रता बनाएका थिए । 
 

प्रकाशित मिति: मंगलबार, माघ १०, २०७९  २१:४६
प्रतिक्रिया दिनुहोस्
सम्पादकीय