site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement
Ghorahi CementGhorahi Cement

प्रतिनिधि सभामा महाभियोगको प्रस्ताव दर्ता भएपछि निलम्वित प्रधान न्यायाधीश चोलेन्द्र शमशेर राणाको निलम्वन फुकुवा गर्ने संसद्का महासचिवको निर्णय कुबेलाको दुस्साहस हो । यस निर्णयले राणालाई सर्वोच्च अदालत फर्काउन त नसक्ला तर संसद्का महासचिवको नियत र योग्यतामा भने प्रश्न खडा गरेको छ । 

गत २०७८ साल फागुन १ गते प्रतिनिधि सभामा महाभियोगको प्रस्ताव दर्ता गरिएपछि राणा प्रधान न्यायाधीश पदबाट निलम्वित भएका थिए । महाभियोगको प्रस्ताव टुंगो नलाग्दै प्रतिनिधि सभा विघटन भई नयाँ चुनाव भएको छ । प्रस्ताव नयाँ प्रतिनिधि सभामा छलफल भएर टुंगो लाग्ने अपेक्षा गरिएको थियो ।

Agni Group

एकाएक संसद् सचिवालयका महासचिवले राणाको निलम्वन सकिएको पत्र लेखेपछि बुधवार  खलबली मच्चियो । निलम्वित राणा सर्वोच्च अदालत फर्कने तयारीमा लागेको समाचार आयो भने नेपाल बार एसोसियसनलगायत विरोधमा उत्रे । महासचिवको पत्रको वैधता र औचित्यमा प्रश्न उठेपछि सरकारका प्रवक्ताले पनि त्यसको विरोध गरेका छन् ।

यति गम्भीर विषयमा पनि तत्काल टुंगो नलगाएर  अगिल्लो प्रतिनिधि सभाले गम्भीर गल्ती गरेकै हो । महाभियोगको टुंगो नलाग्दै राणाको अवकाश हुने परिस्थिति उत्पन्न हुनु निश्चय पनि अमानवीय र अप्रिय स्थिति हो । संसद् यति संवेदनहीन हुनु दुर्भाग्य हो । तत्कालीन सभामुखले यसको नैतिक जिम्मेवारी लिनुपर्छ ।
 
परन्तु, जे भए पनि प्रतिनिधि सभामा विचाराधीन विषयमा महासचिवले पत्र लेखेर निलम्वन फुकुवा गर्नु भने अनधिकृत र अवैध चेष्टा हो । महासचिवको यस क्रियाकलापले वैधता पायो भने त यो परम्परा नै बन्न सक्छ । यसैले यो गम्भीर सार्वजनिक चासोको विषय बनेको हो ।

Global Ime bank

प्रमुख विपक्षी दल नेकपा ९एमाले०का नेताहरूले राणाका पक्षमा पटकपटक धारणा राख्दै आएका छन् । संसदीय समितिको प्रतिवेदनमा पनि एमालेका सदस्यको अलग धारणा थियो । यसैले संसद्का महासचिवले कतै एमालेका नेताको आडमा त निलम्वन फुकाएका हैनन् भन्ने प्रश्न उत्पन्न भएको छ ।

जेहोस्, यस पत्रले संसद्का महासचिवको   पात्रता र सुझबुझमा भने प्रश्न उठाएको छ । नयाँ संसद्ले पक्कै पनि त्यसमा विचार गर्नेछ । जिम्मेवार अधिकारीले यस्तो दुस्साहस गर्दा ठूलै अनिष्ट पनि हुनसक्छ । यसैले प्रतिनिधि सभाका सभामुखको निर्वाचनभन्दा पहिले  महासचिवलाई बिदामा पठाउनु उचित देखिन्छ ।
 

NIBLNIBL
प्रकाशित मिति: बिहीबार, मंसिर २२, २०७९  १०:२०
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
ICACICAC