site stats
विशेष
पहिले म मतदाता खोज्थेँ, अहिले उहाँहरूले मलाई खोजिरहनु भएको छ : सोविता गौतम 

कानुन विषयको अध्ययन र वकालत गरेकी सोबिता गौतम काठमाडौं क्षेत्र नम्बर २ बाट प्रतिनिधिसभा उमेदवार छिन् । नवगठित राष्ट्रिय स्वतन्त्र पार्टीबाट उनी उमेदवार बनेकी हुन् । अहिले घरदैलो कार्यक्रममा गौतम व्यस्त छिन् ।
 
उमेर र सोच दुवैले युवा गौतम सुरुआतमा आफूले मतदाता खोजे पनि अहिले आफूलाई मतादाताले खोजिरहेको बताउँछिन् । प्रस्तुत छ, बाह्रखरीले गौतमसँग गरेको संवादको सम्पादित अंश:-

उमेदवारी सार्वजनिक गरेको दिन र आजमा के फरक भेट्नु भएको छ  ?

उमेदवारी दिएको दिनबाट नै चुनावी दौडधुप सुरु भएको भए पनि मतदाताहरुलाई चुनाव लागि सकेको थिएन । अहिले आइपुग्दासम्म मतदाताहरुमा चुनावको उत्सुकता जागको छ । सुरुआती दिनमा मतदाताहरुलाई म खोज्दै हिँडेको थिएँ । अहिले मतदाताहरु आफैँ खोज्दै आउँदै हुनुहुन्छ । 

NMB Bank
Agani Group

मतदाताबाट धेरै जिज्ञासा सुन्नुभयो कि आशा देख्नुभयो ?

विकास निर्माणका कुराहरु पूरा गरिदियोस् भन्ने मतदाताहरुको आशा छ । मतदाताहरुकोमा भेटघाट हुँदा पानीको समस्या, सडकको समस्याहरु नै उठाउनु हुन्छ । जितेर गएपछि यी समस्याहरु सुल्झाइ दिनुपर्छ भन्ने उहाँहरुको आशा छ । 

Global bank

तर, प्रतिनिधिसभाको सदस्य भएर मेरो हुने जिम्मेवारी, अधिकारहरुका विषयमा उहाँहरुलाई बुझाउँदै मत मागिरहेको छु । यी समस्याहरु पनि नीतिगत तहबाट हुँदै समाधन हुने हो । ती कुराहरु बुझाइरहेको छु । 

मतदातालाई संसद्मा पुगेपछिको आफ्नो भूमिका बुझाउन सक्नुभयो त ?

आजका दिनसम्म नेताहरुले पूर्वाधार विकासकै वाचा गरेर जानु भएको छ । त्यो विषय मतदातामा थुप्रै वर्षदेखि दिमागमा बसिसकेको छ । तर, हामीले पनि त्यस्तै झुटा आशा दिएर जाँदा हामीमाथि मतदाताले विश्वास गर्नु हुँदैन । अहिले हामीले मतदाताको जिज्ञासा मेटाउँदै उहाँहरुको आशाहरु पूरा गर्दै छौँ ।
  
उमेदवारी दिनका लागि प्रेरणाको रुपमा कसलाई लिनु हुन्छ ? 

मैले आफैलाई आफ्नो प्रेरणाको स्रोत मानेको छु । मैले बाल्यकालदेखि भोगेका समस्या, विभेदहरुले नै आज राजनीतिप्रति चासो बढेको हो । समाजमा रहेका विसंगतिहरुसँग आफैँ लड्दालड्दै यी विसंगतिहरुको हल खोज्ने क्रममा मैले मेरो उमेदवारी दिएकी हुँ । समाजलाई विभेदरहित बनाउनका लागि मेरो उमेदवारी हो ।

मतदाताहरुले कस्तो प्रतिक्रिया दिएका छन् ?

मतदाताहरु हामीप्रति निकै सकरात्मक देखिनुहुन्छ । विशेषगरी राष्ट्रिय स्वतन्त्र पार्टीका सभापति रवि लामिछानेलाई देशभरका जनताले रुचाउनु भएको छ । यसकारण पनि थुप्रै मतदाताहरुले मलाई भोट दिने वाचा गर्नुभएको छ । यद्यपि, मैले रविजीको छविका आधारमा मात्रै भोट मागिरहेको छैन । 

आफूलाई चिनाउँदै छु मतदाताहरुको माझ । म कानुन विषय पढेर आएको छु, अधिवक्ताको रुपमा काम गरिसकेको छु । सदनमा गएर कस्ता कानुन आवश्यक छन् भन्ने बुझेको छु । यी सबै कुराहरु लगेर मत मागिरहेको छु । मतदाताहरुले पनि यी सबैलाई हेरेर मत दिनु हुनेछ ।

Sobita Gautam (7)1668610991.JPG

तपाईँ संसद्मा पुग्नुभयो भने तपाईँको प्राथमिकतामा के हुनेछ ? 

नीतिगत भ्रष्टाचारका कुराहरु मैले अहिले बढी जोड दिइरहेकी छु । संसद्मा बन्ने कानुनहरुमा पर्याप्त छलफलबिना नै आउने गर्छन्, जसकारण कानुनमा छिद्रता उत्पन्न हुने गर्छ । एउटा समितिले निर्माण गरेको कानुन सदनमा छलफल हुनु पर्छ । कुन समुदायलाई लक्षित गरेर कानुन बनाइन्छ, ती समुदायलाई कानुन निर्माण प्रक्रियामा सामेल गराइँदैन । यस्ता विषयहरुलाई मैले सदनमा पुगेपछि समाधान गर्ने प्रयत्न गर्ने छु । कानुनी छिद्रतामै टेकेर नीतिगत भ्रष्टाचार हुने गर्छ, यसको समाधान म सदनबाटै गर्नेछु ।

प्रकाशित मिति: बुधबार, कात्तिक ३०, २०७९  २१:०१
प्रतिक्रिया दिनुहोस्
सम्पादकीय