काठमाडौं । महाकवि लक्ष्मीप्रसाद देवकोटाको जन्मजयन्तीको अवसर पारेर विशेष साहित्यिक कार्यक्रम सम्पन्न भएको छ । अमेरिकाको क्यालिफोर्नियास्थित साक्रमेन्टो क्षेत्रको डेविस सहरमा यस वर्ष पनि कार्यक्रम सम्पन्न भएको हो । 

मेरी एल स्टेफेन्स पु्स्तकालय हलमा सम्पन्न कार्यक्रममा कविता वाचनसहित शुभकामना आदानप्रदान तथा पुस्तक प्रदर्शनीको कार्य सम्पन्न भएको थियो । 

सोही अवसरमा कविहरू विनोद पौड्याल, कृष्णमान श्रेष्ठ, अमर तामाङ, सर्वज्ञ वाग्ले, नवराज कार्की, दुर्गा दाहाल, सुरेश भट्ट, रितादेवी प्रधान, शान्ति पौडेल, मधु पोख्रेल, स्वस्तिका स्वस्ति, बाबु आचार्य, मुरारी पौडेल, सुरेन्द्र वाग्ले, महेश गौतम, निरञ्जन वाग्ले तथा प्रमोद अमात्यले आफ्ना रचना सुनाएका थिए ।