काठमाडौं । लुम्बिनी प्रदेशको राजधानी सहर बसाउने विषयमा स्थलगत अध्ययन गर्न विदेशी विज्ञहरुको टोली दाङ जाने भएको छ । प्राकृतिक विपदसँग सम्बन्धित विदेशी विज्ञहरूको टोलीले देउखुरीमा व्यवस्थित सहर बसाउन सकिन्छ कि सकिँदैन भनेर अध्ययन गर्नेछ । विज्ञहरूको टोली शनिबार अध्ययनका लागि दाङ जाँदै छ । 

शनिबार सानो टोली जाने र त्यसको केही दिनपछि अर्को ठूलो टोली दाङ जानेछ । टोलीमा बेलायत, टर्की, केन्या र इक्वेडरका विज्ञहरू सहभागी हुनेछन् । 

नयाँ बस्ती तथा पूर्वाधार बनाउँदा भविष्यको पूर्वआंकलन गर्दा जोखिम न्यूनीकरण गर्न सहयोग पुग्ने भएकाले अध्ययन गर्न लागिएको बताइएको छ । राप्ती नदीका दुवै किनारमा ठूलो सहर बसाल्ने सरकारको योजना छ ।