काठमाडौं । बैंक अफ काठमाण्डू लिमिटेडले २५ प्रतिशतसम्मको नगद फिर्ता अफर सार्वजानिक गरेको छ ।

तिहारलाई लक्षित गर्दै आफ्ना ग्राहकलाई मोबाइल बैंकिङ्गबाट क्यूआर स्क्यान गरी कारोबार गर्न थप प्रोत्साहित गर्ने उद्देश्यले अफर ल्याएको बैंकले जनाएको छ ।

बैंकको मोबाइल बैंकिङ्गमार्फत प्रथमपटक क्यूआर स्क्यान गरी कारोबार गर्नेे ग्राहकले नगद फिर्ता पाउने बैंकले जनाएको छ । सेवाग्राहीले प्रथम कारोबार रकमको २५ प्रतिशत वा १५० रुपैयाँसम्मको नगद फिर्ता पाउनेछन् । 

उक्त योजनाबाट समग्र विद्युतीय कारोबारमा वृद्धि हुने विश्वास लिएको बैंकले जनाएको छ । अफर कार्तिक १ गतेदेखि ६ गतेसम्म लागु हुनेछ ।