काठमाडौं । अञ्जन विष्टले ह्याट्रिक गरेपछि नेपालले मंगलबार बंगलादेशविरुद्धको मैत्रीपूर्ण खेलमा ३–१ को विजय हासिल गरेको छ । 

त्रिपुरेश्वरस्थित दशरथ रंगशालामा नेपालले १८ औँ मिनेटमा अञ्जनको गोलबाट अग्रता लिएको थियो । २७ औँ मिनेटमा अञ्जनले नेपालको अग्रता दोब्बर बनाए । ३८ औँ मिनेटमा अञ्जनले ह्याट्रिक पूरा गरे ।

राष्ट्रिय टिममा अञ्जनको यो पहिलो ह्याट्रिक हो । नेपालबाट ह्याट्रिक पूरा गर्ने अञ्जन छैटौँ खेलाडी हुन् । यससँगै अञ्जनको अन्तर्राष्ट्रिय गोल १० पुगेको छ । दसैँको मुखमा पनि दर्शकको राम्रै उपस्थिति देखिन्थ्यो ।

तस्बिरहरू : हरिशजंग क्षेत्री/बाह्रखरी