काठमाडौं । पछिल्लो समय आईपीओ भर्दा सी–आस्बा शुल्क नलिने बैंकको संख्या बढ्दै गएको छ । यसैगक्रमा सिद्धार्थ बैंक पनि सी–आस्बा शुल्क नलिने बैंकको सूचीमा थपिएको छ । यो बैंकहरूले आईपीओ भर्ने ग्राहकहरूले तिर्नुपर्ने सी–आस्बा शुल्कमा पूरै छुट दिने भएका छन् ।

योसँगै सी–आस्बा सेवा निःशुल्क प्रदान गर्ने बैंकको संख्या सात पुगेको छ । आईपीओ भर्दा लाग्ने शुल्क एनआईसी एशिया, राष्ट्रिय वाणिज्य, कुमारी, नबिल, सानिमा र नेपाल बैंकले नलिने घोषणा गरिसकेका छन् ।

यसअघि, सिद्धार्थ बैंकले सी–आस्बावापत १० रुपैयाँ शुल्क लिँदै आएको थियो ।

नेपाल धितोपत्र बोर्डले सी–आस्बा सेवाको शुल्क अधिकतम पाँच रुपैयाँसम्म लिन पाउने व्यवस्था गरेपछि बैंकहरूले यसलाई निःशुल्क गर्न थालेका छन् ।