काठमाडौं । सत्तारुढ दल नेपाली कांग्रेसका महामन्त्री गगन थापा सर्लाही क्षेत्र नम्बर ४ बाट प्रतिनिधि सभा निर्वाचनका लागि सिफारिस भएका छन् । जिल्लाको आज बसेको बैठकले एकल सिफारिस गरेको जिल्ला सभापति सुरेन्द्रप्रसाद सिंहले जानकारी दिए । 

“आज हामी बैठक बसेर उहाँलाई एकल सिफारिस गरेका हौँ । जनताको अत्याधीक माग भएपछि उहाँलाई सिफारिस गरिएको हो,” सभापति सिंहले भने । 

तर, थापाको सचिवालयले भने आफूहरुसँग छलफल र सल्लाहा नभइ उमेदवार सिफारिस गरिएको जानकारी दियो । थापा भने काठमाडौं ४ बाटनै चुनाव लड्ने सचिवालयले जानकारी दिएको छ ।

“हामीसँग केही छलफल भएको छैन । कास्कीमा पनि त्यस्तै भयो । दाइ काठमाडौं ४ बाट चुनाव लड्नुहुन्छ,” थापाका सहयोगी सबिन मुडभरीले भने ।

यसअघि थापाको नाम कास्की क्षेत्र नम्बर १ बाट पनि सिफारिस भएका थिए ।