विराटनगर । प्रहरीले मोरङको विराटनगर महानगरपालिका १२ बाट इलेक्ट्रोननिक सामान लोड गरेको ट्रक नियन्त्रणमा लिएको छ । 

विराटनगर महानगरपालिका १६ बस्ने ५६ वर्षीय ट्रक चालक राम विवेक महतोले भन्सार छलेर भारतबाट नेपालतर्फ ल्याउँदै गरेको सामानसहित ट्रक नियन्त्रणमा लिइएको प्रहरीले जनाएको छ । 

ना ख ३ ख ३०८७ नम्बरको ट्रकमा ल्याएको इलेक्ट्रोनिक सामान र ट्रकसहित करिब ३६ लाख रुपैयाँ बराबरको सामान जिल्ला प्रहरी कार्यालय मोरङबाट खटिएको प्रहरी टोलीले नियन्त्रणमा लिएको कार्यालयका प्रवक्ता डीएसपी दीपक श्रेष्ठले जानकारी दिए । 

आवश्यक कारबाहीका लागि ट्रकसहित सामान राजस्व अनुसन्धान कार्यालय इटहरी सुनसरीमा बुझाइएको प्रहरीले जनाएको छ ।