काठमाडौं । नेकपा(एमाले) अध्यक्ष केपी शर्मा ओलीको राजनीतिक प्रतिवेदनमा नेकपा (माओवादी केन्द्र) र नेकपा (एकीकृत समाजवादी)लाई दक्षिणपन्थी शक्तिको औजार भएको उल्लेख गरिएको छ । 

शुक्रबारबाट सुरु भएको पार्टीको केन्द्रीय कमिटी बैठकमा ओलीले राजनीतिक प्रतिवेदन पेस गरेका छन् । प्रतिवेदनमा कम्युनिष्ट समूहहरुले दक्षिणपन्थी र बाह्य शक्तिकेन्द्रको औजार बन्दा कम्युनिष्ट आन्दोनल समाप्त भएको उल्लेख छ ।
 
“आफूलाई कम्युनिष्ट भनेर दाबा गर्ने कतिपय समूहहरू कम्युनिष्ट आन्दोलनलाई समाप्त पार्ने दक्षिणपन्थी शक्तिहरू र बाह्य शक्ति केन्द्रहरूको औजारमा स्खलित हुनपुग्नु यस कालखण्डको एउटा बिडम्बना हो । दक्षिणपन्थी शक्तिहरू स्पष्ट छन–पहिले उनीहरूको काँधमा बन्दुक राखेर नेकपा (एमाले)लाई कमजोर पार्ने, आफू सुदृढ बन्ने र एउटा बिन्दुमा पुगेपछि सके एकल नभए लोकतान्त्रिक गठबन्धनका नाममा गैरकम्युनिष्ट सरकार बनाएर आन्दोलनलाई समाप्त पार्ने काम भएको छ,” प्रतिवेदनमा लेखिएको छ ,“तर निःसतान्त पदको कुण्ठा, सत्ता स्वार्थ र अवसरवादी चिन्तनका कारण कतिपय समूहहरू यसमा प्रयोग हुनु दुर्भाग्यपूर्ण छ ।”