राजनीति
काठमाडौं । निर्वाचन आयोगले स्थानीय तह निर्वाचनमा भएको खर्चको विवरण समयमै नबुझाउनेहरूलाई कारबाहीको प्रक्रिया थालेको छ ।
नियमअनुसार निर्वाचन परिणाम घोषणा भएको ३० दिनभित्र सम्बन्धित जिल्ला वा प्रदेश निर्वाचन कार्यालयमा खर्च विवरण बुझाउनुपर्छ ।
आयोगले त्यसरी कानुनी व्यवस्था बमोजिम समयावधिभित्र निर्वाचन खर्चको विवरण नबुझाउने एक लाख १५ हजार १३१ र समयावधिभन्दा ढिलो गरी विवरण बुझाउने ८ हजार ६५२ जनालाई कारबाही गर्ने प्रक्रिया सुरु गरिएको जानकारी दिएको हो ।
कुल एक लाख २३ हजार ७८३ उमेदवारहरूलाई तोकिएको समयावधिभित्र के कति कारणले निर्वाचन खर्चको विवरण नबुझाएको हो भनी ७ दिनभित्र स्पष्टीकरण बुझाउन निर्देशन दिइएको आयोगले जनाएको छ ।
प्रकाशित मिति: मंगलबार, साउन ३१, २०७९ १९:४०
प्रतिक्रिया दिनुहोस्