![नेपाल युवा उद्यमी मञ्च काठमाडौंको अध्यक्षमा गोल्छा](https://12khari.top/uploads/posts/efadsg-1719824690.jpg)
काठमाडौं । नेपाल युवा उद्यमी मञ्च (एनवाईईएफ) काठमाडौंको छैटौँ वार्षिक साधारणसभा सम्पन्न भएको छ । साधारणसभाबाट एनवाईईएफ काठमाडौंको अध्यक्षमा गोल्छा समूहका कार्यकारी निर्देशक अभिमन्यु गोल्छा चयन भएका छन् । उनले संगठनको उत्कृष्टताको परम्परालाई निरन्तरता दिने प्रतिबद्धता व्यक्त गरे ।
यस्तै, एनवाईईएफ काठमाडौंको अरू पदाधिकारी र कार्यसमिति सदस्य पनि चयन गरिएको छ । गोल्छा नेतृत्वको नयाँ कार्यसमितिमा पहिलो उपाध्यक्षमा आप्पा शेर्पा र दोस्रो उपाध्यक्षमा अनुभाव श्रेष्ठ चयन भएका छन् ।
क्षितिज तामाङ, इच्छा मल्ल, निर्दोष द्वा, सौरभ श्रेष्ठ, वेदिका मुरारका, सन्दीप शर्मा, सुरक्षा अधिकारी, सन्तोष पाण्डे र निखिल अग्रवाल कार्यसमिति सदस्य चयन भएका छन् ।
नवनिर्वाचित समितिले एनवाईईएफ काठमाडौंको उद्देश्यलाई निरन्तरता दिने र स्थानीय व्यापार वातावरणमा सकारात्मक परिवर्तन ल्याउने प्रतिबद्धता व्यक्त गरेको छ । उनीहरूले विगतका उपलब्धिमा आधारित भएर संगठनलाई नयाँ उचाइमा लैजान प्रतिबद्ध जनाएका छन् ।
![Global Ime bank](https://baahrakhari.com/uploads/bigyaapan/30885600.gif)
त्यस अवसरमा युवा र महिला उद्यमशीलता प्रवर्द्धन गर्ने विभिन्न कार्यक्रम समेत गरिएको छ ।
एनवाईईएफ स्टार्टअप अवार्ड, महिला उद्यमीलाई सम्मान, एनवाईईएफ जुनियर उद्यमशीलता र विभिन्न नेटवर्किङ कार्यक्रम गरिएको थियो ।