काठमाडौं । चलचित्र ‘२ नम्बरी’को टिजर सार्वजनिक भएको छ । सार्वजनिक टिजरमा  चलचित्रका अधिकांश मुख्य कलाकार फिचर्ड छन् । दयाहाङ राई र सौगात मल्ललाई केन्द्रमा राखेको टिजरले उनीहरु दुईबीचको मित्रता देखाउने प्रयास गरेको छ । 

टिजरमा रोमान्स र कमेडी दुबै दृश्य समेटिएको छ । दुई साथीको मित्रताको कथा भन्ने चलचित्र असोजको २१ गते रिलिज हुनेछ । 

दीपेन्द्र लामाको निर्देशन रहेको चलचित्रमा दयाहाङ र सौगातसँगै उपासना सिंह ठकुरी र उगेन छोदेन मुख्य भूमिकामा छन् ।