वेस्ट बैँक । गाजामा युद्धविराम रोकिएको दुई दिनपछि इजरायली सेनाले वेस्ट बैंक सहर नाब्लसको एउटा घरमा छापा मार्दा मंगलबार झडपमा परी कम्तीमा ३० प्यालेस्टाइनी घाइते भएका छन् ।

“इजरायली सेना र विशेष बलहरूले नाब्लसमा एक अभियुक्त व्यक्तिको घरमा घेरा हालेका थिए । सो क्रममा त्यहाँ गोलीबारी भएको थियो," सेनाले विज्ञप्ति जारी गर्दै भनेको छ ।

रेड क्रिसेन्टकाअनुसार कम्तीमा ३० प्यालेस्टाइनीहरू घाइते भएको र एकको अवस्था गम्भीर भएको फ्रान्सेली समाचार संस्था एएफपीलाई उद्धृत गर्दै डिजिटलजर्नल डट कमले जनाएको छ ।

पुरानो सहर नाब्लसमा प्यालेस्टाइनीहरूले इजरायली सेनामाथि गोली चलाएका थिए । प्यालेस्टाइनीहरूले सेनामाथि ढुङ्गा हानेपछि नाब्लसका अन्य भागहरूमा पनि इजरायली सेनासँग झडप भएको थियो । 

चलिरहेको झडपबाट धेरै बन्दुकको आवाज सुनिएको थियो । दर्जनौँ इजरायली सैन्य सवारी साधनहरूले वेस्ट बैंकको सबैभन्दा ठुलो सहरमा ट्राफिक जाम नै भएको थियो ।

इजरायली सुरक्षा बलहरूले हालैका महिनाहरूमा वेस्ट बैंकमा इस्लामिक जिहाद समूहका लडाकुहरूलाई केन्द्रित गर्दै लगभग दैनिक अप्रेसनहरू सञ्चालन गरेका छन् ।

डिजिटल जर्नलबाट ।