काठमाडौं । काठमाडौंको फोहोर बोकेका गाडी बन्चरेडाँडामा अज्ञात समूहले तोडफोड गरेको छ । स्यानिटरी ल्यान्डफिल साइटमा रोकिएका गाडी र सडक मर्मतका लागि लगिएका डोजर तोडफोड गरिएको हो ।

ल्यान्डफिल साइटका सहायक इन्जिनियर सरकारदीप श्रेष्ठका अनुसार तीन डोजर र १५ गाडी तोडफोड गरिएको छ । “घटना गए रातिको हो । गाडी र डोजरका सिसा पूर्ण रूपमा तोडफोड गरिएको अवस्था छ,” उनले बाह्रखरीसित भने ।

आफ्ना माग पूरा नभएको भन्दै लामो समयदेखि उपत्यकाको फोहोर विसर्जनकार्यमा नुवाकोटको सिसडोल र धादिङको बन्चरेडाँडाका स्थानीयले अवरोध गर्दै आएका छन् ।