काठमाडौ । बेल्जियमले विश्वकप छनोट अन्तर्गत युरोपियन क्षेत्रको छनौटमा फराकिलो जित निकालेको छ । सन् २०१८ मा रुसमा हुने विश्वकप छनोट अन्तर्गत बिहीबार राति भएको लुकाकु र थोमस प्रेणित खेलमा बेल्जियमले जिब्राल्टरमाथि ९–० ले पराजित गरेको हो ।

बेल्जियममा भएको खेलमा रोमेरो लुकाकु र थोमस मेउनिएरले ह्याट्रिक गरेपछि घरेलु टोलीले फराकिलो जित निकालेको हो । यस्तै बेल्जियमको लागि थप गोल इडेन हाजार्ड, एलेक्स विसल र ड्रिएस मेर्टीन्सले समान एक एक गोल गरे । खेलमा दुवै टोलि १० खेलाडीमा समेटिएका थिए । खेलको ४० औं मिनेटमा बेल्जियमका एलेक्स र ८२ औं मिनेटमा जिब्राल्टरका एरिन बेर्नेटले रातो कार्ड पाएका थिए ।

यो जितपछि बेल्जियमले ७ खेलबाट १९ अंक जोडेको छ । र , बेल्जियम लिगको शिर्ष स्थानमा छ । जिब्राल्टर अंकबिहिन रहेको छ । यस समूहमा १३ अंक जोडेको ग्रीस दोस्रो स्थानमा छ । ग्रीसले बिहिबार राति स्टोनियासँग गोलरहित बराबरी खेलेको थियो ।