काठमाडौं । काठमाडौं महानगरपालिकाले खरिद गरेका तीन वटा दमकल नेपाल आइपुगेको छ ।

इन्डोनेसिया कम्पनीमार्फत दमकल वीरगञ्ज भन्सार कार्यालयमा आइपुगेको हो ।

महानगरका अनुसार तीन वटै दमकल भोलि काठमाडौं आइपुग्नेछन् ।

महानगरले गतवर्ष साउन ३ गते तीन वटा दमकल खरिद गर्न इन्डोनेसिया कम्पनीसँग ५ लाख ७५ हजार ९३३ अमेरिकी डलरमा सम्झौता गरेको थियो ।  

महानगरले चालु आर्थिक वर्षको बजेटबाट पुनः तीन वटा दमकल खरिद गर्नका लागि दुई करोड रुपैयाँ छुट्याएको छ । हाल महानगरसँग हाल ६ वटा दमकल छन् ।