काठमाडौं । जमैकाकी शेली–एन फ्रेजर–प्रेसले विश्व एथलेटिक्स च्याम्पियनसिपको १०० मिटर दौडमा स्वर्ण पदक जितेकी छन् । विश्व एथलेटिक्स च्याम्पियसिपमा ३५ वर्षिया फ्रेजर–प्रेसको यो कीर्तिमानी पाँचौं स्वर्ण पदक हो । 

फ्रेजर–प्रेसले निर्धारित दूरी १०.६७ सेकेन्डमा पूरा गरेकी थिइन् । उनले आफ्नै देशको शेरिका ज्याकसन र लाइन थम्सन–हेर्थलाई पछि पारेकी थिइन् । रजत पदक जित्न सफल शेरिका ज्याक्सनले १०.७३ सेकेन्डमा दूरी पूरा गरेकी थिइन् भने काश्य पदक जित्न सफल थम्सन–हेर्थले १०.८१ सेकेन्डमा दूरी पूरा गरेकी थिइन् । 

महिला १०० मिटर दौडमा अन्य देशले पदकमा क्लिन स्विप गर्न सकेका छैनन् । जमैकाका यी तीन खेलाडीले गतवर्ष जापानको टोकियोमा सम्पन्न ओलम्पिक र २००८ को विश्व च्याम्पियनसिपमा पनि क्लिन स्विप गरेका थिए । 

पुरुष १०० मिटर दौडमा भने अमेरिकाका खेलाडीले पदकमा क्लिन स्विप गरेको थियो । जुन १९९१ पछि पहिलो पटक हो । 

“यो मेरो सबैभन्दा प्रिय उपलब्धि हो । मैले ३५ वर्षको उमेरमा यो सफलता हासिल गरेको छु । हो, मै ३५ वर्षको भएँ,” फ्रेजर–प्रेसले भनिन्, “जबसम्म म स्वस्थ रहन्छु । तबसम्म म प्रतिस्पर्धा गरिरहने छु । म उपाधिको भोको छु । मलाई विश्वास छ की छिटो दौडन सक्छु । जबसम्म आफूमाथि विश्वास रहन्छ, तबसम्म दौडनेछु ।”