काठमाडौं । सत्तासाझेदार दल नेकपा (माओवादी केन्द्र) अध्यक्ष पुष्पकमल दाहाल ‘प्रचण्ड’ र भारतीय सत्तारूढ दल भारतीय जनता पार्टी (भाजपा)का अध्यक्ष जगतप्रकाश नाड्डाबीच भेटवार्ता भएको छ ।

प्रचण्डको स्वकीयसचिव समेत रहेकी भ्रमण दलकी सदस्य गंगा दाहालका अनुसार आइतबार भाजपा मुख्यालयमा उनीहरूबीच भेटवार्ता भएको हो । भेटमा भाजपा विदेश विभाग प्रमुख विजय चौथाईवाले र विदेशमन्त्री एस जयशंकर पनि सहभागी रहेको उनले जानकारी दिइन् ।

भाजपा अध्यक्ष नाड्डाको निमन्त्रणमा प्रचण्ड तीनदिने भ्रमणका लागि गएको शुक्रबार नयाँ दिल्ली पुगेका थिए । विभिन्न राजनीतिक भेटवार्ता सकेर उनी आजै नेपाल फर्कंदै छन् ।