काठमाडौं । नेपाली धाविका पुष्पा भण्डारीले सोमबार बंगलादेशमा सम्पन्न बंगबन्धु शेख मुजीव ढाका म्याराथन–२०२२ मा काश्य पदक जितेकी छन् ।

दक्षिण एसियाली (साफ) स्पर्धामा पुष्पाले दुई घण्टा ५७ मिनेट ३५ सेकेण्डमा निर्धारित दूरी पार गरेकी थिइन् । गतवर्ष पुष्पा यही स्पर्धामा स्वर्ण पदक जितेकी थिइन् । गतवर्ष पुष्पाले निर्धारित दूरी दुई घण्टा ५९ मिनेट ४१ सेकेण्डमा पूरा गरेकी थिइन् । 

यसपटक भारतकी आरती दत्तात्रय पाटिलले दुई घण्टा ५३ मिनेट २८ सेकेण्डमा दूरी पार गर्दै स्वर्ण पदक जितिन् । भारतकै ज्योति गवातीले रजत पदक जितिन् । ज्यातिले दुई घण्टा ५४ मिनेट १४ सेकेण्डमा दूरी पार गरेकी थिइन् ।
 
पुरुषतर्फ भने नेपालका किरणसिंह बोगटी पाँचौं स्थानमा रहे । किरणसिंहले २ घण्टा २३ मिनेट ४३ सेकेण्डमा दूरी पार गरेका थिए । पुरुषतर्फ पनि भारतका बुगथा स्रिनुले स्वर्ण पदक जिते । बुगथाले दुई घण्टा १६ मिनेट २६ सेकेण्डमा दूरी पार गरेका थिए । भारतकै अर्जुन प्रधानले रजत पदक जिते । अर्जुनले दुई घण्टा २० मिनेट ०६ सेकेण्डमा दूरी पार गरेका थिए । काश्य पदक विजेता भारतकै बेलिएप्पा अप्पाचन्डगाडा बोपैहले दुई घण्टा २० मिनेट १४ सेकेण्डमा दूरी पार गरेकी थिइन् ।