काठमाडौं । सरकारले बाल रोग विशेषज्ञ डा. आरपी बिच्छालाई प्रधानमन्त्रीको प्रमुख जनस्वास्थ्य विज्ञ सल्लाहकारमा नियुक्त गरेको छ । बिहीबारको मन्त्रिपरिषद बैठकले डा. बिच्छालाई जनस्वास्थ्य विज्ञ सल्लाहकारमा नियुक्त गर्ने निर्णय गरेको हो । 

तीन महिना सेवा अवधि बाँकी रहेका डा. बिच्छालाई सरकारले यसअघि स्वास्थ्य विभागको निमित्त महानिर्देशकको जिम्मेवारी दिएको थियो । स्वास्थ्य सेवा ऐन अनुसार सेवा अवधि सकिएका कर्मचारीलाई कार्यकारी पदमा राख्न नमिल्ने भएपछि कात्तिक ७ गते नै उनी विभागबाट जिम्मेवारीमुक्त भएका थिए ।

कात्तिक ७ गतेबाट सरकारी सेवाबाट उमेरका आधारमा अनिवार्य अवकाश पाउन लागेका डा. बिच्छाको सरकारले ३ वर्ष सेवा अवधि थप गरी प्रधानमन्त्रीको प्रमुख जनस्वास्थ्य विज्ञ सल्लाहकार नियुक्त गरेको हो ।