काठमाडौं । नेकपाको केपी शर्मा ओली समूहले आज राजधानीमा शक्ति प्रदर्शन गर्‍यो । नारायणहिटीअघि आयोजित सभालाई प्रधानमन्त्री केपी शर्मा ओली, नेताहरु ईश्वर पोखरेल, रामबहादुर थापा बादल, सत्यनारायण मण्डललगायतले सम्बोधन गरे ।

केही दिनअघि देखि नै तयारी गरिएको सभामा सुरक्षा व्यवस्था कडा बनाइएको थियो । मञ्चको चारैतर्फ फलामे बार लगाइएको थियो । सुरक्षा व्यवस्था पनि चुस्त पारिएको थियो । प्रधानमन्त्री ओलीलाई गाडीबाटै मञ्चमा पुग्ने व्यवस्था गरिएको थियो ।

ओलीले काठमाडौंमा अहिलेसम्मकै ठूलो सभा भएको जिकिर गरे । उनले कार्यक्रममा उपस्थित भएकाहरुलाई नारा लगाउन उत्साहीसमेत गराए । आफैंले पनि केहीबेर नारा लगाएका थिए ।
हेरौं कार्यक्रमका थप तस्बिर :