काठमाडौं । राष्ट्रिय स्वतन्त्र पार्टी (रास्वपा)का सांसदहरूले सोमबार पनि प्रतिनिधिसभा वेल घेराउ गरेका छन् । भिजिट भिसा प्रकरणमा छानबिन समिति बनाउनुपर्ने माग राखिरहेको रास्वपाले विरोधलाई निरन्तरता दिएको हो ।

आव बैठकको सुरुमा सभामुख देवराज घिमिरेले राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनलाई बोल्न दिएका थिए । उनले अवरोधका बीच बैठक चलाए आफूहरूले बहिष्कार गर्ने बताएका थिए ।

त्यसपछि बोलेका रास्वपाका सन्तोष परियारले छानबिन समिति बनाउनुपर्ने अडान राखे । उनको सम्बोधनपछि सभामुखले बैठक अघि बढाएपछि रास्वपाका सांसदहरू नाराबाजी गर्दै वेल घेराउ गर्न आइपुगेका थिए । राप्रपाका सांसदहरू बैठक बहिष्कार गरेर बाहिरिए ।

रास्वपाका सांसदहरूले बैठक चलिरहँदा कहिले उठेर नाराबाजी त कहिले पलेँटी कसेर विरोध गरिरहेका छन् । पलेँटी कसेर बस्दा उनीहरू मौन थिए ।

हेर्नुहोस् तस्बिरहरू

तस्बिरहरू : हरिशजंग क्षेत्री/बाह्रखरी