काठमाडौं । कमलपोखरीबाट बालुवाटार गएको नागरिक मार्चमा प्रहरीले हस्तक्षेप गरेको छ । प्रहरी हस्तक्षेपमा पत्रकार तथा अभियन्ता नारायण वाग्लेसहित कैयौँ घाइते भएका छन् ।

शान्तिपूर्णरुपमा अघि बढेको जुलुसलाई प्रहरीले रोकेको थियो । प्रहरीले शान्तिपूर्णरुपमा अघि बढेको जुलुसमाथि पानीको फोहोरा तथा लाठी प्रहार गरेको थियो । 

“हामी सरकारलाई दुईवटा कुरा भन्न जानेवाला थियौँ,” प्रहरी हस्तक्षेपका क्रममा घाइते भएका वाग्लेले भने, “शान्तिपूर्णरुपमा गएका थियौँ । हामीमाथि बल प्रयोग गरिएको छ । जुन तरिकाले हामीमाथि दमन भयो, यसको हामी भर्त्सना गर्दछौँ । अब तेस्रो जनआन्दोलन सुरु भयो । हाम्रा जति साथीहरु घाइतेका भएका छन् उनीहरू सबैको उपचार हामीले नै गर्नेछौँ ।”