दाङ । देउखुरीको वनगाउँस्थित स्वर्गद्वारी आश्रमको गोदाममा आगलागी हुँदा करिब २० लाख बराबरको क्षति भएको छ । आश्रममा कोही नभएको बेला सोमबार बेलुका विद्युत सट भइ आश्रमको गोदाममा रहेका साल र सिसौका काठ जलेर नष्ट भएको स्वर्गद्वारी आश्रमका कर्मचारी पूर्णबहादुर चौधरीले जानकारी दिए ।

आफू नजिकैको खेतमा काम गरेर फर्किँदै गर्दा एक्कासी उक्त भवनमा कालो मुस्लो देखेपछि उनले प्रहरीलाई खबर गरेको बताए । 

लाइन सट भएर आगलागी हुँदा करिब २० लाखको क्षति भएको कर्मचारी चौधरीले बताए । लमही नगरपालिका र गढवा गाउँपालिकाको दमकल र वडा प्रहरी कार्यालय लमहीको टोलीले आगो नियन्त्रणमा लिएको थियो । गोदाममा राखिएको काठ सबै जलेर नष्ट भएको छ ।