एजेन्सी । दक्षिण भारतीय सुपरस्टार प्रभास र बलिउड अभिनेत्री दीपिका पादुकोण पहिलोपटक एकासाथ पर्दामा देखिने भएका छन् । उनीहरू निर्देशक नागा अश्विनको नयाँ द्विभाषी चलचित्रमा सँगै देखिने भएका हुन् ।
हिन्दी र तामिल भाषामा आउने सो चलचित्र फिक्सन ड्रामामा आधारित रहनेछ । चलचित्र निर्माण कम्पनी भिजयन्ती मुभिजले आइतबार ट्विटमार्फत प्रभास र दीपिकालाई टिममा स्वागत गर्दै सुपरस्टारको संज्ञा दिएको छ ।
यस्तै निर्देशक नागाले विज्ञप्तिमा भनेका छन्,“ दीपिकाले यो भूमिका निभाएको हेर्न म धेरै आतुर छु ।” साथै उनले चलचित्रको मुख्य आकर्षण दीपिका र प्रभासको जोडी हुने पनि बताए । योसँगै प्रभास अर्को द्विभाषी चलचित्र ‘राधा कृष्ण’ मा पनि काम गर्दै छन् । भने अभिनेत्री दीपिकाको चलचित्र ‘८३’ पनि रिलिजको तयारीमा छ । (इन्डियन एक्सप्रेस)