एजेन्सी । करिब ३ महिनापछि भारतीय मनोरञ्जनात्मक च्यानलहरूमा टेलिशृङ्खलाका नयाँ एपिसोड प्रसारण हुने भएका छन् । महराष्ट्र सरकारले जारी गरेको निर्देशिका पालना गरी भारतमा केही सातादेखि टेलिशृङ्खलाको छायांकन सुरु गरिएको थियो ।
भारतदेखि नेपालमा पनि उतिकै चर्चित छन् भारतीय टेलिशृङ्खलाहरू । टेलिशृङ्खला निर्माताहरूले प्रतिबन्धबीच छायांकन गरे पनि मनोरञ्जनका पक्षमा भने दर्शकलाई निराश नबनाउने आश्वासन दिएका छन् ।
ठूलो लगानी भएको एक चर्चित टेलिभिजन शृङ्खलामध्ये एक ‘तारक मेहताका उल्टा चस्मा’ ले पनि केही समयअघि छायांकन सुरु गरेको थियो भने अर्को चर्चित टेलिशृङ्खला ‘कसौटी जिन्दगी के’ पनि छायांकनमा फर्किसकेको थियो, तर टेलिशृङ्खलाका कलाकार पार्थ सम्थानलाई कोरोना पाजेटिभ देखिएसँगै सो को छायांकन केही दिनका लागि पुनः स्थगित गरिएको छ ।
(नवभारत टाइम्स)