एजेन्सी । अभिनेता सुशान्तको आत्महत्याका कारण पछिल्लो समय स्टारकिड्स सामाजिक सञ्जालमा ट्रोलको सिकार भइरहेका छन् । 

यसैबीच टाइगर श्राफले यसबारे आफ्नो विचार राखेका छन् । आउटसाइडरको तुलनामा इन्डस्ट्रीसँग नजिकका व्यक्तिहरूलाई बलिउडमा प्रवेश गर्न सजिलो भए पनि आफूलाई सावित गर्न दबाब हुने गरेको बताए ।

टाइगरले भने, “जैकी श्राफको छोरा भएका कारण म माथि धेरै प्रेसर छ । मानिसहरू सोच्छन् कि यो हाम्रा लागि धेरै सजिलो छ । म झुठ बोल्दिन, हो एक हिसाबमा मानिसहरूको ध्यान खिच्न सजिलो हुन्छ तर हामीले आफूलाई प्रमाणित गर्नका लागि दुई गुणा मिहिनेत गर्नुपर्छ । मैले आफूलाई आफ्नो बुबाको छाया र परिचयबाट अलग आफ्नै परिचय बनाउन सफल भएको छु ।”
(नवभारत टाइम्स)